Жалал-Абад шаарынын мэриясынын алдындагы жергиликтүү салыктар жана төлөмдөр боюнча башшкармалыгынын башчысы Абида Кочкорованын берген маалыматына караганда, бюджетке 259, 3 миң сом кайтарылды

Аталган башкармалык түзүлгөнгө чейин мамлекеттик салык кызматында атайын 12 штаттык бирдик иштеп, 2013-жылга бул штаттык бирдиктердин эмгек маянасы үчүн жана башка каражаттар үчүн 2 миллион 196, 6 миң сом, 2014-жыл үчүн 2 миллион 435, 1 миң сом, 2015-жыл үчүн ар түрдүү иш-кагаздары үчүн 500 миң сом акча каражаттары бөлүнүп иштетилген. 

- Бүгүнкү күндө биздин башкармалыкта 20 штаттык бирдик бар жана эки техникалык персонал бөлүнгөн. Смета боюнча жергиликтүү бюджеттен эмгек акы бөлүнүп, анын 121, 7 миң сомун үнөмдөп, сапар чыгымдарынан 23 миң сом, күндөлүк керектелүүчү товарларды алууга бөлүнгөн акча каражатынан 2, 4 миң сом, социалдык төлөмдөр эсебинен 27, 6 миң сом үнөмдөдүк жана бюджетке 259, 3 миң сом кайтарылып берилди, - дейт А. Кочкорова.