Бразилияда өтө турган олимпиадага жолдомо алган беш спортчу улан-кыздар жана алардын эки машыктыруучусу Жалал-Абад шаарындагы Курманбек стадионунда шаардагы жаш спортсмендер менен биргеликте 10 күндүк машыгуудан өтүштү. Бул тууралуу Жалал-Абад ОИИБнын басма сөз кызматы билдирди.

Алынган маалыматка караганда, алар Жалал-Абад шаардында олимпиадага даярдык көрүү зборун өткөрүштү. Мында Бразилия олимпиадасына жолдомо алган спортсмендер жана алардын машыктыруучусу менен шаардагы дене-тарбия, спорт бөлүмүнүн башчысы Бакиров Адылбек, №1 спорт мектебинин директору Акимбаев Алишер жана Жалал-Абад ОИИБнын  дене-тарбия жана күжүрмөн даярдоо бөлүмдөрүнүн кызматкерлери жолугушуп, пикир алышып, аларга ийгилик каалашты.

Кыргыз Республикасынын курама командасынын жеңил атлетика боюнча улуу машыктыруучусу Виктор Борисов жана КР эмгек сиңирген спорт чебери Татяна Борисова Бразилия олимпиадасына катыша турган улан-кыздарды алып барышат.

Алар төмөкүлөр:

1.Полюдина Виктория Кыргыстандын спорт чебери, 2 жолку Азия чемпиону;

2.Коробицкая Мария  Кыргызтандын спорт чебери.

3.Маслова Дарья Кыргызстандын спорт чебери, 2 жолку Азиянын чемпиону.

4.Эң жаш спортчу Клещукова Арина Азиянын чемпиону, рекордсмени Колумбия мамлекетинде болуп өткөн олимпиаданын финалисти, алтын медалдын ээси.

5.Тьяпкин Илья  Кыргыз Республикасынын спорт чебери, көптөгөн медалдардын ээси.

Мына ушул спортсмендер Кыргызстандын наамысын коргоп, Дүйнө элине кыргыз желегин желбиретип келерине ишенип, Жалал-Абаддын жаш спортсмендери жана машыктыруучулары, ОИИБнын кызматкерлери аларга ак жол каалап, Жалал-Абад шаарынан узатышты.