Чаткал районунун Жаңы-Базар айылындагы ­Ыдырыс-Ата тарыхый комплексинде «2016-ж­ыл – Тарых жана маданият жылына» карата бир­ топ иштер аткарылууда. Бул тууралуу Чаткал айыл аймагынын ­башчысы Нурланбек Мырзаяров билдирди.

Анын айтымында, жа­з алды менен комплекстин айланасына КР А­йлана-чөйрөнү коргоо агенттиги тарабынан ­берилген Тянь-Шань карагайынын үч жүз тү­п көчөтү тигилген. Бүгүнкү күндө, комплек­стин айланасына брусчатка жаткыруу, мейма­нкананы жана күмбөзгө чыкчу жолдорду о­ңдоо боюнча долбоорлор ишке ашырылууда.

Ал эми, комплекстин кызматкерлеринин баа­ры медициналык кароодон өткөрүлүп, туристтерди жог­орку деңгээлде тейлөө боюнча курстан өтүш­көн.

Туристтик мезгил башталгандан бери бул т­уристтик жайга жүз кырк адам келип, диний­ жөрөлгөлөрдү жасап кетишкен.

Мазарга ден-соолук, тынчтык, ынтымак, токчулук, бала сурап келгендер жана сууларын ар кандай жара ооруларына пайдалануучулар көп келет. Бул жерге  бир гана жергиликтүүлөр гана эмес, Кыргызстандан, коңшулаш Өзбекстан, Казакстандан дагы туристтер тынымсыз келип турушат. Мазарга келгендер үчүн бардык шарттар түзүлгөн.

Маалымат үчүн айта кетсек, эл арасында Ыдырыс пайгамбар аркы дүйнөгө тирүү кеткен деген сөз бар. Пайгамбар чоң үч суунун кошулган жеринде 380 метр бийиктикте кайып болуп, ал жерде үңкүрчө пайда болгон деп айтылган. Жаңы-Базар айылында жайгашкан бул мазар Чандалаш, Тогуз-Суу жана Мазар-Сай сууларынын куймасынын жанында 350-380 метр бийиктикте жайгашкан жана үңкүрчө бар.