Саламаттыкты сактоо министрлиги кошумча айлык төлөө менен жаш кадрларды аймактарга тартууга ниет кылууда. Бул туурасында медициналык билим берүү бөлүмүнүн башчысы Нурида Жусупбекова билдирди.

Анын айтымында, министрлик жаш адистердин маянасына ар бир чейрек сайын 38 миң сомго чейин кошумча акы төлөп турат. Айрым аймактарда үй куруу үчүн жер тилкеси бөлүнүп берилет. Дарыгерлердин адискөйлүгүн жогорулатуу максатында атайын окуулар өткөрүлөт.

Быйыл Медакадемияны 421 улан-кыз аяктоодо.

Саламаттыкты сактоо министрлигинин маалыматына караганда, учурда ар бир облуста 150дөй доктур жетишпейт.