Өзбекстан президентинин Кашкардарыя облусундагы «Коомдук кабылдамасынын» өкүлү ишкерлердин биринен акча талап кылууга шектелип кармалды. Бул тууралуу жергиликтүү басылмалар кабарлашты.

Маалыматка караганда, «Коомдук кабылдаманын» 59 жаштагы өкүлү жеке компаниялардын бирине курулуш объектисин бөлүп берүүнү убада кылып, бул үчүн ээсинен 14 миң доллар сураган. Ал бул акчанын 9 миң долларын алып жаткан маалда чайханалардын биринде кармалган.

Учурда кармалган адамга каршы «Алдамчылык» жана «Пара талап кылуу» беренелери менен кылмыш иши козголуп, тергөө иштери жүрүүдө.