Ашхабаддын азык-түлүк дүкөндөрүндө жарамдуулук мөөнөтүнөн өтүп кеткен товарлар сатылууда.

“Азаттыктын” түркмөн кызматы көгөрүп кеткен, бузулган азык-түлүктөр жеке гана эмес мамлекеттик соода борборлорунда да кездешип жатканын кабарлоодо.

Кардарлардын бири редакцияга курттап кеткен момпосуйлардын сүрөтүн жөнөткөн.

Буга чейин түркмөн борборунда эскирген сүт азыктары, колбаса, акшак жана ун сатылып жатканы кабарланган. Айрым товарларда жарамдуулук мөөнөтү көрсөтүлгөн эмес.

Сүрөткө момпосуйдан табылган курттар тартылган. Товар 17-октябрда Ашхабадда сатылып алынган.

“Азаттыктын” түркмөн кызматынын өз булагы кабарлагандай, көзөмөл органдарынын, анын ичинде санэпидемстанциянын иштери түркмөн кардарларынын керегине жарай элек.

“Мыйзам бузгандарга бейрасмий түрдө айыппул салышат, бирок бузулган товарлар сатыктан алынбайт. Сентябрда жергиликтүү өндүрүштөн чыккан сүттөн курт чыккан, бирок ал сатыкка коюлган”, - деди ал.