Тажикстандын Восей районунун тургуну 6 миң долларын кайтарып бербей жаткан «Точиксодиротбонк» менен соттошууда.

Восей районунун Гулобод айылынын 32 жаштагы тургуну Хуршед Махмадиев ушул жылдын мартынан бери банкка салган 15 миң доллар акчасын ала албай келет. Ал бул туурасында жалпы коомчулукка жарыя салгандан кийин банк ага 9 миң долларын кайрып берген. Калган 6 миң доллары качан берилери белгисиз.

Хуршед Махмадиев күтүүдөн тажап, сотко кайрылды. Буга чейин Куляб мамлекеттик университетинин окутуучулары аталган банктан эки айдын айлыгын ала алышпай, сотко даттанышканы белгилүү. Ушул жылдын май айында Тажикстандын Улуттук банкы аталган каржы мекемеге үч айга убактылуу жаңы жетекчилик дайындаган. Бул убакыт ичинде абалды жакшыртуу боюнча чаралар көрүлүшү керек. Аталган банк өлкөдөгү жалпы капиталы 5 млрд. доллардан ашкан ири төрт коммерциялык банктын бири болуп саналат.