Белгилүү тажик поп-жылдызы Шабнами Сурайё туулган күнүн Душанбедеги №2 интернаттын балдары менен тосту.

Поп-жылдыздын чакыруусу менен балдарга жомоктогу каармандар конокко келишти.

– Мен көп жылдан бери туулган күнүмдү белгилебейм. Бирок быйыл апамдын, жакындарымдын жана досторумдун кеңеши менен туулган күнүмдү жетим балдар менен өткөрүүнү чечтим. Бул өмүрүмдөгү эң мыкты туулган күн, - деди Шабнами Сурайё.

Белгилүү ырчы жакында оорукчан апасы баш тарткан төрт айлык Изатуллону багып алган.

Буга чейин Шабнами Сурайё кургак учукка каршы эл аралык кыймылга кошулган. Ал 27-сентябрда Нью-Йоркко чакырылганын, БУУнун кургак учук көйгөйлөрүнө арналган саммитине катышканын билдирди.

Шабнами Сурайё 2007-жылы БУУнун Тажикстандагы ыктыярдуу элчиси болгон жана СПИДге каршы күрөшүү программасына катышкан.