Ташкентте дипломатиялык өкүлчүлүктөр жана консулдуктарды кайтаруу батальонунун кызматкерлери пахта теримиге мажбурлоо менен жөнөтүлдү.

Батальон кызматкерлеринин “Азаттыктын” өзбек кызматына жөнөткөн катында: “Бизди пахта терүүгө жөнөтүштү, тамак-ашты өз чөнтөгүбүздөн камсыздап жатабыз. Ал жерде шарт өтө начар. Аткаминерлер келгенде, баары жакшы экенин, эч ким бизди пахта терүүгө зордоп чыгарбаганын айтышууда”, - деп жазылган.

Каттын авторлорунун биринин билдиришинче, кызматкерлерди мажбурлап пахта териме жөнөтүү үчүн ички иштер министри өзү буйрук берген.

– Пахта теримге алгач батальондун 250 кызматкери жөнөтүлдү, 10-октябрда болсо дагы 50 кызматкерди башка районго жиберишти. Дагы 100 кызматкер керек экенин айтышты. Нөөмөттө турган кызматкерлерге иттен жаман мамиле жасашат. Офицерлер каалаган маалда үйлөрүнө барып келишет. Биз болсо норма тапшырсак гана бара алабыз. Эки күнгө үйгө баруу үчүн 200 миң сум төлөө керек. Жол чыгымдарын кошкондо 300 сумга чыгып кетет, – деди ИИМ кызматкери.

Учурда ИИМ жана Коргоо министрлигинин кызматкерлери Ташкент облусунун Чиназ районунда пахта терип жүрүшөт.

Буга чейин ИИМ академиясынын курстанттары мажбурап пахта теримге жөнөтүлгөнү кабарланган.