Түркмөнстанда жыл сайын миллион көчөт отургузулууда, бирок шаар тургундары бактар көбөйбөй эле азайып жатканын айтышууда.

Учурда Ашхабадда көп кабаттуу турак жайлардын курулушуна байланыштуу жүз жылдык бак-дарактар кыйылууда.

Ашхабад жашоочусунун айтымында, бак-дарактар өзгөчө калк жыш жайгашкан кичи райондордо кыйылууда.

– Учурда үйрөй учурган көрүнүш. Асфальтттар жана бетондор. Жайында шаарда жүрүү дээрлик мүмкүн эмес, - деди ал.

Бул арада түркмөн бийлиги 20 жылдан бери миллиондогон жаңы көчөттөрдү отургузуп келет. Жылына эки сапар өлкө президенти Гурбангулы Бердымухамедовдун катышуусунда ишембилик өтөт.

Расмий маалыматтар боюнча 2018-жылдагы жашылдандыруу кампаниясы учурунда 3 миллион көчөт отургузулушу керек. Негизинен булар – жалбырактуу, ийне жалбырактуу, мөмөлүү бактар.