Кечээ, 23-сентябрда Ош шаардык жерге жайгаштыруу жана кыймылсыз мүлккө укуктарды каттоо башкармалыгында кыргыз тил майрамына карата бөлүмдөр арасында сынак болуп өттү.

Бул тууралуу Ош шаардык мэриясынын басма-сөз кызматы билдирди.

Ага КР Мамлекеттик каттоо кызматынан жана Ош шаарынын мэриясынан өкүлдөр катышты. Сынактын алкагында кыргыз тилин даңазалоо максатында ыр, бийлер аткарылды.

Ошондой эле, улуттук кийимдер, улуттук тамак аштар жарманкеси уюштурулду. Жыйынтыгында жеңүүчүлөр баалуу белектер менен сыйланышты.