22-сентябрда Оштогу А.Сүйүмбаев атындагы стадиондо Ош шаарынын “Алай” командасы өз үйүндө Кара-Балта шаарынын “Кара-Балта” командасын кабыл алды. Бул тууралуу шаардык мэриядан билдиришти.

Оюндун биринчи бөлүгү 4:0 эсебинде “Алайдын” пайдасына чечилип, экинчи бөлүгүндө дагы 5 топ дарбаза торунан орун алды. Беттеш 9:0 эсебинде талаа ээлеринин жеңиши менен аяктады.

Беттешке КР футбол федерациясынын вице-президентти Канат Маматов, Ош шаарынын вице-мэри Нурбек Кадыров жана башкалар күбө болду.

Белгилей кетсек, “Алай” командасынын кийинки оюну Бишкектин “Дордой” командасы менен болот. Мелдеш 26-сентябрда А.Сүйүмбаев атындагы стадиондо өтөт.