Бир күндө 112 грамм эт, 405 грамм нан, 25 грамм балык жана жарым жумуртка. Тажикстанда жан башына негизги продукцияларды колдонуу боюнча сунушталган нормалар бекитилди. Азыркыга чейин өлкө калкынын үчтөн бир бөлүгү мындай рационду пайдаланууга мүмкүнчүлүгү жок.

Сунушталган нормаларга ылайык, бир киши күндө 405 грамм нан, 112 грамм эт, 25 грамм балык, 316 грамм сүт, 46 грамм май, 55 грамм кант, 455 грамм жашылча, 340 грамм мөмө-жемиш, 252 грамм картошка жана жарым жумуртка колдонушу керек. Тиешелүү министрликтер бул нормаларды өзгөртүү боюнча сунуш киргизе алат.

Аткаминерлердин айтымында, бул маалымат жашоо минимумун аныктоого жардам берет. Учурда Тажикстанда ал айына 50 долларды түзөт.

Экономика жана каржы комитетинин төрагасы Олимжон Бобоев күндө керектелүүчү азыктардын нормасы – өлкөдө эмне жетиштүү-жетишсиз экенин аныктоого жардам берет деп эсептейт.

БУУнун Бүткүл дүйнөлүк азык-түлүк программасынын маалыматына караганда, Тажикстан калкынын 30% тоюна тамак жебейт.