Орусия калкынын саны  2018-жылдын январь-июль айларында 91 миң 900 кишиге кыскарган. Бул тууралуу Росстаттын “Орусиянын социалдык-экономикалык абалы жөнүндө” журналында айтылат.

Ошол эле маалда миграциялык өсүштү эске албаганда, калктын саны 170 миң 500 кишиге азайган.

Мындан тышкары 2018-жылдын жети айында төрөт көрсөткүчтөрү начарлап кеткен.

Орусия Статистика кызматы экинчи жарым жылдыкта да ушундай динамика сакталса, Орусия үчүн 2018 соңку тогуз жылдан бери биринчи жолу калктын саны кемиген жыл болуп каларын белгилейт.