Кечээ, 31-июлда Ош шаарынын мэри Таалайбек Сарыбашов “Мурас” тигүү фабрикасынын ишмердүүлүгү менен таанышты. Шаар мэри фабрикадагы көйгөйлөрдү да укту. Бул тууралуу шаардык мэриянын басма сөз кызматы билдирди.

Фабрикага жүздөн ашуун кыз-келинде жумушка тартылган.

Негизинен улуттук стилдеги аялдардын, эркектердин жана жаш балдардын кийимдери тигилет.

Көйнөк, чапандарга кыргыз оймосу түшүрүлгөн.

Автоматташтырылган фабрика жылына 30 миң даана же 20 млн сомдук товардык продукция чыгарат. Тигилип, даярдалган кийимдер дүңүнөн сатылууда.