Жүргүнчү учак, Лебап (архив сүрөт)

Түркмөнстандын президенти Гурбангулы Бердымухамедовдун жакын туугандары учактагы жүргүнчүлөрдүн баарын түшүрүп, ага өзүлөрү отуруп учуп кетишкен.

«Азаттыктын» түркмөн кызматынын өз булактары билдиришкендей, окуя бир ай мурда Түркмөнабад-Ашхабад багыты боюнча уча турган учакта болгон. Маалыматка караганда, президенттин Койтендаг эс алуу жайынан келаткан тууганы билеттери бар 160 жүргүнчүнү учактан түшүрүп, үй-бүлөсү менен учуп кеткен.

Жергигиликтүү аэропорттун өкүлүнүн айтымында, алар үчүн чакырылган атайын учак өз учурунда келбей калган. Бирок ал жүргүнчүлөрдү түшүрбөгөндө дагы, каттамдагы учакта президенттин туугандары үчүн орун болгонун белгиледи.

Жыйынтыгында жүргүнчүлөрдүн көбү Ашхабадга эртеси учса, шашып жаткандары такси менен кетүүгө аргасыз болушкан.