Бүгүн, 18-июлда Ош шаардык кеңешинин кезексиз олтурумунда депуттаттар Ош шаарынын мэрин шайлашты. Бул тууралуу шаардык мэриянын басма сөз кызматы билдирди.

Алынган маалыматка караганда, мэрди шайлоого шаардык кеңештин 45 депутаты тең катышты. Жыйынтыгында Таалайбек Сарыбашевдин талапкерлигине 44 макул, 1 депутат каршы деп добуш беришти.

Шайлоо жыйынтыкталган соң, шаардык кеңештин төрагасы Жапарбек Ормонов, жаңы мэрдин үстүнө чепкен жаап, башына калпак кийгизип, колуна камчы карматты жана депутаттардын атынан ишине ийгилик каалады.

Ош шаарынын мэрлигине Т.Сарыбашевди талапкерлигин көрсөткөн, ишеним арткан депуттаттарга шаар башчысы  терең ыраазычылык билдирип, бир катар келечек пландар менен бөлүштү.

Айта кетсек, Ош шаарын буга чейин башкарган Айтмамат Кадырбаев КР Отун-энергетикалык комплексти жөнгө салуу боюнча мамлекеттик агенттикке төраганын орун басары болуп дайындалган.