Жалал-Абад шаарынан 300 бала “Алтын-Балалык” балдар менен өспүрүмдөрдүн эс алуу борборуна барып эс алышат. Бул тууралуу маалыматты Жалал-Абад шаардык билим берүү башкармалыгынын башкы адиси Азимжан Абдрашев билдирди.

Анын айтымында, быйылкы жылы балдар үч паток менен барып эс алышат. 1-патокко 90 бала жөнөтүлөт. Ага  шаардык мэриядан 180 миң сом акча бөлүндү. Шаардагы балдар үйлөрүнөн, мектептерден, социалдык коргоо бөлүмдөрүнөн балдар көрсөтүлдү. Ал эми 2-3- потокко балдар жолдомо менен барышат. Жолдомонун баасы 2500 сом. Өткөн жылдан айырмасы былтыркы жылы бир эле паток менен 100 бала эс алып келген.

Ал эми быйылкы жылы жалпысынан 300 бала эс алат. 15-июнда балдардын биринчи тобу лагерге жөнөтүлөт, -дейт А. Абдрашев.