Ош шаарында 10-июлдан 31-августка чейин №1-троллейбустун каттамы убактылуу токтотулуп анын ордуна автобустар каттайт. Бул тууралуу шаардык мэриянын басма сөз кызматы билдирди.

Бул иш-аракеттер “Газпром Кыргызстан” жоопкерчилиги чектелген коомунун “Ош Газ” филиалы тарабынан жүргүзүлүлө турган газ түтүктөрүн оңдоо иштерине байланыштуу.

10-июлдан 31-августка чейин И.Раззаков көчөсүнүн жер астындагы газ түтүктөрүн жаңылоо иштери жүргүзүлөт.

"Айта кетсек, Ош шаарында 2 троллейбустук каттам бар. Шаардын тургундарын жана меймандарын убактылуу ыңгайсыздыктарды түшүнүү менен мамиле кылууга чакырабыз", - деп билдирет басма сөз кызматы.