Үстүбүздөгү жылдын 5-июнь күнү саат 08.00 чамасында  Кочкор-Ата шаарынын  милиция  бөлүмүнүн нөөмөт бөлүмчөсүнө телефон аркылуу, Кочкор-Ата шаарындагы көчөлөрдүн биринде жолдун четинде бир адам жаткандыгы тууралуу маалымат келип түшкөн. Бул тууралуу Жалал-Абад ОИИБнын басма сөз кызматы билдирди.

Алынган маалыматка караганда, маалыматты териштирүү  максатында Жалал-Абад ОИИБнын Кылымыш иликтөө бөлүмүнүн кызматкерлери менен  биргеликте Ноокен РИИБнүн ыкчам тобу окуя  болгон  жерге барып, ал жерде кароо жүргүзүлгөн учурда, жашы болжол менен  30-35  жаштардагы, азият улутундагы жарандын сырткы көрүнүшүндө жараты жок эркек кишинин  жансыз денеси табылган. Аталган факт боюнча табылган өлүктүн өздүгүн аныктоо максатында  соттук медициналык жана соттук биологиялык экспертизалар жүргүзүлгөн.

Жүргүзүлгөн ыкчам иликтөө иштеринин натыйжасында кылмыш иликтөө бөлүмүнүн кызматкерлери тарабынан, табылган өлүк Ноокат районунун тургуну 30 жаштагы М.М экендиги аныкталган. Бул кылмыштын бетин ачуу максатында  ыкчам иликтөө иштеринин натыйжасында кылмышка шектүү катары Кочкор-Ата шаарынын тургуну 26-жаштагы А.Э аттуу кармалган. Шектүү кылмышкерден сурак алган учурда, ал өзүнүн жээни С.Д жана Э.С аттуу балдар менен  каза болгон жаранды Кочкор-Ата шаарынын аялдамасында жолугуп калышып, бирге олтуруп спирттик ичимдигин ичип олтурушуп С.Э жана Б.М.сөз талашып чыр-чатакка айланып Б.Мны уруп тепкилеп жолдун бир четине таштап кетишкедигин көрсөткөн.

“Азыркы учурда кылмышкерлер  күнөөсүн толугу менен мойнуна алып, Ноокен районунун соту тарабынан санкция берилип, убактылуу кармоочу жайына киргизилди. Ал эми кылмышкерлердин  шеригин  издөө максатында учурда тергөөамалдары  жана ыкчам иликтөөлөр  улантылууда”, - деп билдирет басма сөз кызматы.