Жалал-Абад шаарындагы бир нече үйдү тоноп, ууруук кылган адамдар кармалып, учурда тергөө иштери жүргүзүлүп жатат. Бул тууралуу Жалал-Абад ШИИБнүн Криминалдык милиция кызматы билдирди.

2018-жылдын январь айынан баштап Жалал-Абад шаарынын «Спутник», «Достук»  жана  «Курманбек»  кичи шаарчаларында жайгашкан көчөлөрүндөгү турак  жайларга,  алардын ээлери  жок болгондугунан пайдаланышып   белгисиз кылмышкерлер уурулукка киришип, үйлөрдүн ичинен  акчаларын, алтын  буюмдарын жана башка үй тиричилик буюмдарын  уурдашып,  элдерге бир далай материалдык зыян келтирилип, кылмышкерлер аныкталбай,  жабырлануучулардын  буюмдары  кайтарылбай,  элдердин  арасында  бир топ  нааразычылыктар  болуп  жаткан.

Жалал-Абад ШИИБнүн жетекчилиги тарабынан,  Жалал-Абад шарынын аймагында катталып бети ачылбай калган уурулуктардын, айрыкча турак жайлардан болгон уурулуктардын бетин ачуу максатында жүргүзүлгөн талдоолор жана болгон маалыматтардын  негизинде  алдын  алуу  жана  ыкчам иликтөө иш чараларын жүргүзү үчүн тажрыйбалуу КМК кызматкерлеринен турган ыкчам издөө тобун түзүп, бул багыттагы ыкчам иликтөө иш-чараларын жүрүшүн  көзөмөлүнө  алынды.

Жүргүзүлгөн  ыкчам иликтөө иш-чараларын натыйжасында 2018-жылдын 12-июнь күнү  Жалал-Абад шаарынын Көк-Арт кичи шаарчысынын тургуну 1983-жылы туулган,  мурда  соттолгон М.Н.  жана анын  кылмыштуу  шериги Сузак районунун  Ырыс айылдык округунун Тейит айылынын  тургуну 1993-жылы туулган, мурда соттолгон Т.Х. кармалышып, Жалал-Абад шаарынын аймагында 10 турак жайга уурулукка киргендиги боюнча  көрсөтмөлөрү алынып,  Жалал-Абад  ШИИБнүн убактылуу кармоо изоляторуна киргизилип, тергөө амалдары жүргузүлүүдө.

Ошондой эле, ыкчам иш чаралардын жүрүшүндө кармалган Т.Х. жана М.Н. Сузак районунан  Ырыс айыл аймагында  5 үйдө болгон уурулук фактысын жасагандыгы боюнча, мындан сырткары Ош облусунун Өзгөн районунун аймактарында 4 үйгө, Кара-Суу районунун аймагында 3 үйгө болгон уурулук фактылырын  жасагандыгы туралуу көрсөтмөсүн берди.