Жалал-Абад электр тармактар ишканасынын кызматкерлери эки бригадага бөлүнүшүп  110/35-6-10 кВ “Жалал-Абад” көмөк чордонунан чыккан Пионерский 2 фидеринде иш жүргүзүшүүдө. 

Жалал-Абад шаарындагы Чехов көчөсүндөгү 6 кВ чыңалуудагы электр аба чубалгыларына тоскоолдук жараткан бак-дарактарды бутап жатышат, ал эми экинчи топ ушул эле көчөдөгү электр мамычалардагы эскирген изоляторлорду жаңы изоляторлорго алмаштырышууда. Пландын негизиндеги утурумдук оңдоп-түзөө жумуштары да кошо жасалууда. Мындай иш-аракеттер аталган шаардын бардык көчөлөрүндө улантылат.