Оперативдүү маалыматтардын негизинде Жалал-Абад ОИИБнин Криминалдык милиция кызматкерлери Ноокен районунун Кочкор-Ата шаарынын Кочкор-Ата шаарынын Ленин көчөсүнүн тургуну 51 жаштагы Ю.М аттуу аялдын үйүнөн баңгизаты табылды.

Жалал-Абад ОИИБнын басма сөз кызматынын берген маалыматына караганда, калыстардын катышуусунда тинтүү жүргүзгөн учурда, Ю.М аттуу аялдын жашаган үйүнүн ичиндеги шкафтын үстүндөгү нан бышыруучу мештин ичинде жашырылып турган, атайын оролгон  0,5 килограмм (0.490гр)  болгон “гашиш” баңгизаты табылган.

Аталган факты боюнча Ю.М аттуу аялга карата КР Кылмыш Жаза кодексинин 247-беренесинин 3-б. 4-п. менен кылмыш иши козголуп, камакка алынып, тергөө амалдары жүргүзүлүүдө.

Бул  айым буга чейин да баңгизатына байланыштуу 3 жолу сот жообуна тартылган.