Алматыда Өзбекстандын 13, Тажикстандын 9 жараны миграциялык мыйзамдарды бузганы үчүн Казакстан аймагынан өз эрки менен чыгып кетүү тууралуу соттун чечимин аткарган эмес деген шек менен кармалды.

Алматы шаардык ички иштер департаментинин билдиришинче, экинчи жолу кармалган 22 жаран кылыш жоопкерчилигине тартылат. Шектүүлөр “чет элдик жумуш күчүн пайдалануу ыктымалдуулугу жогору” объектилерди – базарларды, коомдук тамактануу жайларын, курулуш жүргөн жерлерди текшерүү учурунда кармалган.

Маалыматтарга караганда, Казакстандын түштүк аймагында өткөрүлгөн “Нелегал” операциясы учурунда өлкөгө кирүү жана жүрүү тартибин бузду делген шек менен жүздөгөн чет элдик кармалган, алардын көбү административдик камакка алынган.

Казакстанда мындай рейддер маал-маалы менен болуп турат. Бирок соңку текшерүү өлкөдө коопсуздук чаралары күчөтүлгөн маалга туш келди.

21-майда Казакстанда нааразылык акциялары өтөрү жарыяланып, бирок ага бийлик уруксат берген эмес.