Жалал-Абад шаарынын Тукубай Тайгараев аймактык башкармалыгына караштуу алыскы Кызыл-Суу айылында жергиликтүү калк жарандык коргонуу маселелерин активдүү чечип жатышат.  Бул тууралуу  өзгөчө кырдаалдар министрлигинин Жалал-Абад шаардык бөлүмүнүн башчысы, улук  лейтенант Исхар Апиев билдирди.

Анын айтымында, Кызыл-Суу айылынын айыл башчысы Бегалы Акаев баш болгон кызылсуулуктар Кыргыз Республикасынын Өкмөтүнүн жашыл долбоорду ишке ашыруу программасынын алкагында айылдагы эки гектар жер аянтына жаңгак көчөттөрүн эгүү жана эки гектарды жер тосмо менен тосуу иштерин аткарышкан.

“Быйылкы жылдын жаз айларында жаан-чачындын көп катталуусунан улам Кызыл-Суу сайында суунун көлөмү эки эсеге көбөйгөндүктөн, айыл тургундары арасында атайын нөөмөттөр уюштурулуп, Кызыл-Суу сайындагы көпүрөнүн кооптуу жерлерин бекемдөө иштери жүргүзүлүүдө”, -дейт И.Апиев.