Үстүбүздөгү жылдын 27-28-апрель күндөрү Жалал-Абад мамлекеттик университетинин 95 жылдык мааракесине арналган салтанаттуу иш-чаралар жана “Күчтүү университет – өнүккөн регион – кубатүү өлкө” аталышындагы илимий-практикалык конференция болуп өтөт. Бул тууралуу аталган университеттин ректоратынан билдиришти.

Алгачкы күнү келген коноктор университет менен таанышып, жабык спорт аянтчасынын ачылышына катышышат жана атайын уюштурулган көргөзмөлөргө барышат. Окуу жайынын тарыхы, өнүгүшү жана келечеги тууралуу кеп болуучу салтанаттуу жыйын өткөрүлүп, коноктор “Жалал-Абад” санаторийине экскурсияга чыгышат.

Кийинки күнү илимий-практикалык конференция уюштурулуп, секциялык иштер жүрөт. Кечке жуук коноктор кайтышат.

Эске сала кетсек, жыйырманчы кылымдын 20-жылдарында Жалал-Абад шаарында өлкөдөгү алгачкы педагогикалык окуу жайы түзүлүп, ал окуу жайдан Кыргызстандын тарыхындагы белгилүү инсандар тарбияланып чыккан. Кыргызстан эгемендик алгандан кийин 1993-жылы мурдагы педагогикалык окуу жайынын базасында университет ачылган.