2018-жылдын 13-апрель күнү саат 14:30 чамасында Жалал-Абад облусунун Сузак районундагы Достук айылында "Фольксваген-Гольф 3" үлгүсүндөгү мамлекеттик №B85-48A жеңил унаанын айдоочусу рулду башкара албай жолдон чыгып Кара-Дарыя суусуна түшүп кеткен. Бул тууралуу КР ӨКМнин басма сөз кызматы билдирди.

Алынган маалыматка караганда, жол кырсыктын кесепетинен жеринде 2 адам каза болуп (1947-жылы туулган Н.А. эркек, 1995-жылы туулган А.А. аял), 2017-жылы туулган Т.Б. (наристе) ооруканада каза болгон.

Ал эми жабыркаган 2 адам (1989-жылы туулган Н.К. эркек, 1992- жылы туулган Т.Н. аял) райондук оорукананын жандандыруу бөлүмүнө жаткырылган.

Жерине КР ӨКМнин Жалал-Абад шаардык №58 өрт-куткаруу бөлүмүнүн куткаруучулары иш алып барышкан.