Жалал-Абад шаарында өткөн жылга салыштырмалуу суу пайдалануучулардын саны миң адамга көбөйгөн. Бул тууралуу “Жалалабадсууканал” башкармалыгынын башчысы Айтбай Мусаев билдирди.

Анын айтымында, күн санап шаар өсүп-өнүгүп, сууга болгон муктаждык да көбөйүп жатат. 2015-жылы жеке менчик ишканалар 653, ал эми абоненттин саны 19 миң 700 болгон болсо, жалпысынан 51 миң суу пайдалануучуну суу менен камсыз болгон.

“Ал эми 2016-жылдын биринчи кварталында 683 жеке менчик ишкана, 19 миң 900 абонент каттоого турду. Ошондо өткөн жылга салыштырмалуу суу пайдалануучу жеке менчик ишканалар отузга, ал эми абоненттер эки жүзгө көбөйдү. Жалпысынан алганда өткөн жылга салыштырмалуу суу пайдалануучулардын саны 1 миң адамга көбөйдү. Биз ошого жараша чыңалуу менен иштешибиз керек”, -дейт А. Мусаев.