Жалал-Абад шаарынын тазалыгы жана көрктүүлүгү үчүн жаз айлары башталары менен жыл сайын үч айлык жарыяланып келет. Быйылкы жылы да  бардык мекеме-ишканалар өздөрүнө бөлүнгөн иштерди аткарышты. Бул тууралуу Жалал-Абад шаарынын коммуналдык маселелер боюнча вице-мэри Урмат Маматов билдирди.

Анын айтымында, үч ай аралыгында шаардыктар, ишканалар, жеке ишкер субьектилери активдүү катышты. Ар ишемби сайын мекеме-ишканалар өз аймактарын жана айланасын тазалап, иретке келтирүү иштерин жүргүзүштү.

“Андан сырткары шаардын сырткы турпатын жакшыртуу жагынан да бир топ иштер аткарылды. Шаардагы 4 миңден ашуун бак-дарактар, 1 миңден ашуун үйлөр акталды. Ушул жана башка иштер тынымсыз жүргүзүлүп турду”, -дейт ал.