Жалал-Абад шаарында суу түтүкчөлөрүн оңдоп-түзөөгө жыл сайын 5-6 миллион сом акча жумшалат. Бул тууралуу “Жалалабадсууканал” башкармалыгынын башчысы Айтбай Мусаев билдирди.

Анын айтымында, суу түтүкчөлөрүнө жылына 700-800 жолу оңдоп-түзөтүү иштерин жүргүзүүгө туура келип жатат. Бул аябагандай эле мээнетти талап кылат.

“Шаардыктарга да ыңгайсыздыктар туулат жана бизге да нааразы болушат. Анан бул иштер да көп акчаны талап кылат. Оңдоп-түзөө иштерине жыл сайын 5-6 миллион сом акча жумшалат. Эгерде ушул каражаттар бизде калса, аны башкармалыктын башка зарылдыктарына, кызматкерлерибиздин социалдык абалынын жакшырышына жумшайт элек, - дейт А. Мусаев.