Эми мындан ары Жалал-Абад мамлекеттик университетинин өзүнүн музыкалык маршы жаңырат. Окуу жайдын маданий эстетикалык борборунун адиси  Жусуп  Масеитов тарабынан жаралган “ЖАМУнун маршы” окуу жайда өткөн иш-чарада биринчи жолу жаңырды.

Болуп өткөн Мекенди коргоочулар күнүнө арналган салтанаттуу маданий иш-чара  убагында окуу жайдын мугалимдери, ошондой эле маданий-эстетикалык борбордун вокал, комуз, бий боюнча таалим алган студенттери өз өнөрлөрүн көрсөтүшүп, маданий эстетикалык борбордун адиси  Жусуп Масеитовдун чыгармачыл изденүүсүнөн жаралган  “ЖАМУнун маршы” аталышындагы чыгарма аткарылды.

ЖАМУнун ректору Кенешбек Усенов жана профессордук-окутуучулар тобу мындай саамалыкка куттук айтышып, маданий-эстетикалык борбордун кызматкерлеринин иштерине ийгиликтерди каалашты.