«Мекеним менин Кыргызстан» долбоорунун алкагында Жалал-Абад  жаштар коомунун демилгеси менен Жалал-Абад шаарында Ош облусунун жана Жалал-Абад жаш лидерлеринин “Дос-байлык” аталышындагы жолугушуусу болуп өттү.

Жалал-Аббад ОИИБнын басма сөз кызматынын берген маалыматына караганда, жолугушуунун форматы эркин маектешүү форматында өттү. Бул жолугушууга КР өкмөтүнүн Жалал-Абад облусундагы өкүлчүлүгүнүн  жана облустук күч органдарынын жетекчилери, казыят өкүлдөрү менен биргеликте пикир алмашуу жүрдү.

Уюштуруунун негизги максаты жана башкы багыты – коомдо стабилдүүлүктү жана коопсуздукту камсыз кылууда жаштардын орду, тарыхый жайларды даңазалоо, өз ара тажрыйба алмашуу. Ошондой эле, укук коргоо органдары менен тартип жана мыйзамдуулукту күчөтүүдө биргеликте жумуш алып баруусу каралды.

Мындан ары “Тарых жана маданият” жылына карата эки облустун жаш лидерлери  Жалал-Абаддагы тарыхый жана маданий, көрктүү жайлары менен таанышуу жана Жалал-Абад шаарында жайгашкан  ЖОЖдун студенттери,  шаар тургундары менен пикир алышуулар орун алмакчы.