Жалал-Абад шаарында мурунку “Сентябрь” телеканалы иштеген имаратта жаңы “Чолпон ТВ" каналы иштей баштады. Бул тууралуу аталган каналдын директору Байсал Кадыралиев билдирди.

Анын берген маалыматына караганда, “Чолпон ТВ" каналы эфирге 11-ноябрдан тартып чыга баштады. Бирок, бул каналдын мурдагы "Сентябрга" эч кандай тиешеси жок. Учурда телеканал санарипте чыгып, Кыргызстандын түштүгүндө көрсөтүлүүдө.   

Эскерте кетсек, мындан 4 жыл мурун 2013-жылы Жалал-Абад шаарында “Сентябрь” телеканалы ачылган. Кийин, 2015-жылы анын башкы кеңсеси Бишкек шаарына көчүрүлүп, соттун чечими менен быйыл августта канал өз ишин токтоткон. “Сентябрь” -   “Жалбырак – ТВ” болуп атын өзгөртүп, интернеттен чыга башташкан.