Жалал-Абад шаары боюнча өнөр жай ишканалары тарабынан быйылкы 9 ай ичинде 2 миллиард 117,4 миллион сомдук продукция өндүрүлдү жана өндүрүлгөн продукциянын физикалык көлөмүнүн индекси 93,8 пайызды түзүп, өткөн жылга салыштырмалуу өсүү темпи 111,9 паызга жеткирилди, же башкача айтканда өткөн жылдын ушул мезгилине салыштырмалуу 255,5 миллион сомдук продукция көп өндүрүлдү. Бул тууралуу шаардык мэриянын басма сөз кызматы билдирди.

Алынган маалыматка караганда, өткөн 2016-жылдын 9 айына  салыштырмалуу “Жалал-Абад нефти кайра иштетүүчү” кыргыз-өзбек-азербайджан жоопкерчилиги чектелген коому– 246,6 миллион сомдук, “Жалал-Абадэлектро” ачык акционердик коому – 173,2 миллион сомдук, “Газпром-Кыргызстан” компаниясынын филиалы  “Жалал-Абадгаз”  жоопкерчилиги  чектелген  коому – 76,9 миллион  сомдук,  “Элнур Дан” жоопкерчилиги  чектелген  коому - 37,7 миллион сомдук, “Жогорку кубаттуулук электр тармактары” ишканасы – 25,8 миллион сомдук көп продукция өндүрүүгө жетишкен.

Бирок, 2017-жылдын үчүнчү чейрегинин жыйынтыгы менен шаардын ири өнөр жай ишканалары “Кыргыз Петролеум Компани” жабык акционердик коому - 178,7 миллион сомдук, “Дан Юг” жоопкерчилиги чектелген коому – 87,1 миллион сомдук, “Элдик” мамлекеттик ишканасы - 16,8 миллион сомдук, ташты кайра иштетүүчү кичи ишканалар  - 13,5 миллион сомдук  продукция өткөн жылга салыштырмалуу аз өндүрүшкөн. Бул өндүрүлгөн продукциянын жалпы көлөмүнүн 14 пайызын түзүп, же 296,1 миллион сомдук продукция аз өндүрүшкөнү белгиленди.