Бүгүн, 25-октябрь күнү КР Өкмөтүнүн Жалал-Абад облусундагы өкүлчүлүгүндө 2017-жылдын 9 айында жүргүзүлгөн иштердин жыйынтыгын чыгарган коллегия болуп, анда КР Өкмөт башчысынын буйругунун негизинде бир катар кызматкерлерге “Ардак грамота” тапшырылды.

Өкмөттүн Жалал-Абад облусундагы ыйгарым укуктуу өкүлү Кыянбек Сатыбалдиев Кыргыз Республикасынын Премьер-министринин буйругунун негизинде мамлекетке сиңирген өзгөчө эмгеги үчүн КР Өкмөтүнүн “Ардак грамотасын” Аксы районунун М.Садыков атындагы №17-орто мектебинин математика мугалими Сейилбүбү Берикбаевага, Аксы районунун Жаңы-Жол айылындагы Ж.Мамытбеков

атындагы орто мектебинин кружок жетекчиси Кулбай Ботобаевге, Токтогул райондук билим берүү бөлүмүнүн алдындагы баладар жана өспүрүмдөр үчүн спорт мектебинин машыктыруучусу Бектеназар Кылычовго, өкүлчүлүктүн жетектөөчү адиси Гульнара Темиралиевага тапшырды.

Ошондой эле, Өкмөттүн “Алкыш” баракчасын Жалал-Абад облустук сотунун төрагасы Шаршенбай Камбаров бвш болгон бир катар кызматкерлерге берди.

Мындан сырткары, көп жылдык үзүрлүү эмгектери, облустун социалдык-экономикалык өнүгүүсүнө кошкон салымы жана аймактын социалдык маданий турмушундагы активдүүлүгү үчүн Өкмөттүн облустагы ыйгарым укуктуу өкүлүнүн атынан бир катар кызматкерлерге Ардак грамоталар ыйгарылды.