Жогорку Кеңештеги башкаруучу коалициянын лидери Иса Өмүркулов көпчүлүктөгү жалпы депутаттарга кайрылып спикерликке көрсөтүлгөн Дастан Жумабековдун талапкерлигин колдоп берүүгө чакырды.

- Спикерлик орун аябай жоопкерчиликтүү жогорку деңгээлдеги кызмат. Дастан Артисбекович, сиз жалпы депутаттардын үмүтүн актап, өзүңүзгө артылган жүктү ийгиликтүү көтөрөсүз деген ишеним бар. Урматтуу коалициядагы депутаттар, жалпы жыйында Жумабековдун талапкерлигин чогуу колдоп берели.

Буга чейин парламенттеги төраганын ордуна Дастан Жумабековдон башка Иса Өмүркулов жана Аскар Шадиевдин талапкерилиги көрсөтүлөрү туурасында сөздөр болгон.

Бирок коалициялык көпчүлүктүн жыйынында жалгыз Дастан Жумабековдун талапкерлиги көрсөтүлүп, колдоого алынды.

Чыныбай Турсунбеков Жогорку Кеңештин төрагасы кызматынан кетүү чечими тууралуу парламенттин 25-октябрдагы жалпы жыйынында жарыялаган.

Эртең, 26-октябрдагы жалпы жыйында депутаттар жаңы төраганы шайлайт.