“Адам сатууга каршы күрөштө Кыргыз Республикасынын Өкмөтүнүн ченемдик укуктук жана техникалык базасын бекемдөөгө көмөктөшүү” долбоору Ош, Жалал-Абад, Баткен облустарында иш жүзүнө ашырылып жатат. Бул тууралуу бүгүн, 24-октябрь күнү Ош облустук “Аялзат” борборунун директору Наргиза Ештаева Жалал-Абадда өткөн маалымат жыйында билдирди.

Аталган маалымат жыйынга: КР Өкмөтүнүн Жалал-Абад облусундагы ыйгарым укуктуу өкүлүнүн аппаратынын башкы адиси Асель Сансызбаева, Жалал-Абад облустук ооруканасынын директорунун орун басары Улан Бааев, Жалал-Абад облустук ИИБнын криминалдык милиция кызматынын опер өкүлү Сейит Нурдинов, Ош шаарындагы “Аялзат” борборунун доолбоордун ассисенти Надежда Домашевалар да катышты.

Ош облустук “Аялзат” аялдар демилгелүү борборунун директору Наргиза Ештаеванын сөзүнө караганда, “Адам сатууга каршы күрөштө КР Өкмөтүнүн ченемдик укуктук жана техникалык базасын бекемдөөгө көмөктөшүү” долбоору 10 ай аралыгында Кыргызстандын түштүгүндөгү бардык район-шшарларда иш алып барып, калк арасында сатуунун алдын алуу боюнча түшүндүрүү иштерин жүргүзүшөт.

- Биздин “Аялзат” аялдар демилгелүү борбору 1996-жылдан бери иштейт. Бул борбордун көп тармактуу иштери, максаттары бар. Бирден-бир чоң тармагынын бири – ушул адам сатууга каршы күрөшүү, адам сатууга дуушар болгондорго жардам берүү, алдын-алуу иштерин жүргүзүү. Бизди Эл аралык Миграция уюму колдоп келет. Аталган уюм менен иштеп жатканыбызга 10 жылдан ашык болду. Ошолордун долбоору менен мына АКШ менен Эл аралык Миграция уюму биргеликте каржылап, биз азыр 10 айлык долбоор менен Жалал-Абадга келип калдык. Биздин долбоор туштүк боюнча Ош, Жалал-Абад, Баткен боюнча болот. Негизинен долбоор октябрь айында башталды. Долбоордун негизги максаты – жарандар чет өлкөгө чыгып жатканда өзүнүн укугун билип, туура маалымат алып, жакышнакай өз укугун колдонуп, кандайдыр учурда адам сатууга дуушар болос, кандай учурда кимден жардам алса боло тургандыгын элге жайылтууну көздөйт, - дейт Н.Ештаева.