Түркмөнстанда күн өткөн сайын америкалык валютанын расмий эмес (базар) курсу өсүп жатат. Бул тууралуу өлкөнүн маалымат каражаттары жазууда.

Эгер 21-октябрда Ашхабадда доллар 8,5 манат турса, кийинки күнү ал 9 манаттан алынып калган. Базарда долларды сатууга гана болот, сатып алуу дээрлик мүмкүн эмес. Анда акча алмаштыруу менен алектенгендер долларды сатуудан баш тартышууда.

Жергиликтүү байкоочулар доллардын учурдагы курсу чек эмес экенин, октябрдын аягына жакын ал 10 манаттан ашышы мүмкүндүгүн билдиришүүдө.

Банк курсу болсо 2015-жылдан бери өзгөрбөй, бир доллар 3,5 манат деген көрсөткүчтө кармалып келет. Бирок банктарда валютаны сатууга гана мүмкүн, сатып алууга болбойт.