КР вице-премьер-министри Темир Жумакадыровду  акыркы сапарга узатуу иш-чарасы бүгүн, 9-октябрда Бишкек шаарында өттү.

Акыркы сапарга узатуу зыйнаты Т.Абдумомунов атындагы Кыргыз улуттук драма театрында уюштурулуп, ага президент А.Атамбаев баштаган мамлекеттик бийликтин өкүлдөрү, жакындары жана шаардыктар катышты.

Эскерте кетсек, КР вице-премьер министри Темир Жумакадыров 7-октябрь күнү эртең мененки саат 7:30да Талас облусуна бара жатканда жол кырсыгынан каза болгон.

Аны менен бирге жардамчысы Нурлан Жамгырчиев жана айдоочусу каза болгон.

Кырсык Бишкек-Кара-Балта авто жолунун 36-чакырымында Садовое айылында болгон. Вице-премьердин жол тандабасы прицептүү КАМАЗ менен кагылышкан. КАМАЗдын айдоочусу ооруканага жаткырылган.

38 жашында көз жумган Т.Жумакадыровдун артында 3 кызы калды.