Винницы облусундагы ок-дары сакталган кампада чыккан өрт Украинанын коргонуу жөндөмдүүлүгүнө олуттуу сокку урду. Бул тууралуу өлкөнүн улуттук коопсуздук кеңешинин катчысы Александр Турчинов билдирди. Анын айтымында, Донбасста жаңжал башталгандан бери бул сыяктуу окуя катталган эмес.

Турчинов өрттүн кесепетинен ок-дарыялардын көпчүлүк бөлүгү жараксыз болуп калганын баса белгиледи. Ал бул окуя Украина өзүнүн аскер арсеналын коргоого жөндөмдүү эмес экенин далилдегенин айтты.

Украинанын ири кампаларынын биринде 27-сентябрга караган түнү өрт чыккан. Снаряддар азыркыга чейин жарылууда. Украин бийлиги 800 миллион доллар чыгым болгонун билдирүүдө.

Украинанын аскер прокуратурасы бул ишти диверсия катары иликтөөдө. Тергөө окуяга Орусиянын тиешеси бар деген версияны четке каккан жок. Бирок тышкы диверсиялык топтордун издери табыла элек.