Кочкор-Ата шаарындагы “Кыргызнефтегаз” ААКнун жумушчулары мунай өндүрүү боюнча өткөн 8 айдын жыйынтыгы менен жакшы көрсөткүчтү камсыз кылышты. Бул туурасында ыйгарым укуктуу өкүлдүн басма сөз катчысы маалымдады.

Үстүбүздөгү жылдын 8 айында 54 миң 700 тонна чийки мунай өндүрүлүп, былтыркы жылдын ушул мезгилине салыштырмалуу 100,6 пайызга ашыра аткарылган.

Ал эми “көгүлтүр газ” өндүрүүнүн көрсөткүчү 16,5 млн. куб. метр. аткарылып, өткөн жылдын тиешелүү мезгилине салыштырмалуу 93,7 пайызга аткарылган.