Бүгүн, 1-июнь - Эл аралык балдарды коргоо күнүнө карата Жала-Абад мамлекеттик университети мүмкүнчүлүгү чектелген балдар үйлөрүн кыдырып, балдарга белектерде тапшырып кайтышты. Бул тууралуу ЖАМУнун басма сөз катчысы Айганат Каримова билдирди.

Анын берген маалыматына караганда, ЖАМУ тарабынан Жалал-Абад шаарындагы психоневрологиялык балдар интернатыны, Жалал-Абад облустар аралык ден соолукту калыбына келтирүүчү «Бакыт» борборуна, шаардагы «Ак-Бермет» балдар үйүнө, Сузак районуна караштуу Кызыл-Туу айыл өкмөтүнүн Алмалуу айылына караштуу Абдраимов, Матиев мектептерине кайрымдуулук концерттери коюлуп, материалдык  жардамдар көрсөтүлдү.

“ЖАМУнун фондунан 45 миң сом акча бөлүндү жана студенттер “Чын жүрөктөн” атту акция уюштурушуп, 20 миң сом чогултушуп балдарга керектүү буюмдарды алып барышты”, - дейт Айганат Каримова.