Үстүбүздөгү жылдын 6-сентябрь күнү саат 22.40 чамасында, Жалал-Абад шаарынын Ленин көчөсүндө “Хонда Фит” үлгүсүндөгү автоунаа бир адамды уруп кетип, окуя болгон жерден токтобостон изин жашырып качып кеткен. Бул тууралуу Жалал-Абад ОИИБнын басма сөз кызматы билдирди.

Алынган маалыматка караганда, жабырлануучу “Хонда Фиттин” номерин эстеп калып, дароо 102ге билдирген жана жеңил жаракат алып, Жалал-Абад облустук  ооруканага кайрылып медициналык жардам алган.

“Натыйжада кылмыш изин суутпай Патрулдук милиция тарабынан, изин жашырып качып кеткен Сузак районунун Барпы айылынын тургуну 1996-жылы туулгун  М.О. кармалган жана автоунаасы айып короосуна киргизилди. Административдик протокол толтурулуп, тергөө амалдары жүрүүдө”, - деп билдирет ОИИБнын басма сөз кызматы.