1-июнь – Эл аралык Балдарды коргоо күнүнө карата Жалал-Абад шаардык мэриясынын уюштуруусу менен майрамдык салтанат өткөрүлдү. Бул тууралуу Жалал-Абад шаарынын социалдык маселелер боюнча вице-мэри Турдалы Темирбаев билдирди.

Анын айтымында, бүгүнкү балдардын майрамына карата шаардын эки жеринде иш-чара өтүп жатат. Биринчиси, Токтогул эс алуу багында, ал эми экинчиси Жеңиш эс алуу багында.

Бүгүн 450 бала акысыз каруселдерге ойнотулуп, 500 балага таттуулар, миң балага балмуздак берилди. Жылдагыдан өзгөчөлөнүп, бүгүн балдарга тамак-аштарды да уюштуруп бердик. Ата-энелери менен келишип, тамактанып, ойноп кетип жатышат.

“Учурдан пайдаланып, шаардык мэриянын жана жеке өзүмдүн атыман балдарды бүгүнкү майрамдары менен куттуктайм. Баарыбыз балдар деп жашайбыз. Балдар биздин келечегибиз. Дайыма балдарыбыздын ден соолугу чың, өмүрлөрү узун, келечеги кең болсун”, -дейт Т. Темирбаев.