Украинанын Улуттук коопсуздук кызматынын башчысы Василий Грицак орус атайын кызматын өлкө аймагында теракт уюштурууга айыптады. Бул тууралуу ал "Прямой" телеканалындагы көрсөтүү учурунда билдирди.

УКК башчысы орус атайын кызматы Одесса, Харьков, Херсон жана башка украин шаарларындагы теракттарга тиешеси бар деп эсептейт. Анын пикиринде, Орусия мындай жол менен Украина аймагында толук масштабдуу аскер операциясын баштоого шылтоо издеп жатат деп эсептейт. Ал Орусиянын Федералдык коопсуздук кызматынын жетекчиси Александр Бортниковго кайрылып, согуш шартында дагы аша чаабууга жол бербей турган эрежелер бар экенин айтып, кесиптешин бул иштерди токтотууга чакырды.

Августтун ортосунда Грицак ФСБны Орусияда теракт жасоо үчүн украин жарандарын колдонууга айыптаган.

Жакынкы аралыкта Донбасстын реинтеграциясы жөнүндөгү мыйзам долбоор Жогорку Раданын кароосуна жөнөтүлөт. Документте Орусия биринчи жолу агрессор-өлкө катары көрсөтүлгөн. Буга чейин парламент 2015-жылдын 27-январындагы токтому менен Орусияны агрессор деп атаган.