АКШ башында турган коалиция Сириянын чыгышында “Ислам мамлекети” террорук тобуна каршы операция өткөрүп, 85 жихадчыны жок кылды. Операция сирия-ливан чек арасынан өтүп кеткен ИМ тобунун автоунаа кербенинин жанында болду.

Reuters маалымдагандай, 40тай транспорт жок кылынды, алардын арасында аскер унаалары дагы бар.

Күн мурун "Хезболла" кыймылы коалиция ИМ исламисттеринин автобус кербенин жана алардын үй-бүлөлөрүн сирия чөлдөрүнө коё бербей койгонун жарыялаган. Аскерлер кербенди Иракка өткөрбөй, жол менен көпүрөнү жардырган. Автобустарга сокку жасалган эмес. Автобустун ичиндеги карапайым кишилерге суу жана азык-түлүктөрдү беришкен.

АКШ башында турган эл аралык коалиция 2014-жылдан бери Сириядагы радикалдуу исламисттерге каршы күрөшүп келет. Коалиция Сириянын демократиялык күчтөрүн колдойт. Сирияда орус аскер кампаниясы 2015-жылы 30-сентябрда башталган. Коалиция Сирия президенти Башар Асадды колдогону үчүн Москваны айыптап келет.