«Зенит» командасы катышкан беттештеги футбол фанаттары. Февраль, 2017-жыл

Дүйшөмбүдө БУУнун көз карандысыз эксперттер тобу уюмдун Расалык басмырлоо көрүнүштөрүн жоюу комитетинде атайын баяндама жасашты. Анда документтин авторлору Орусияда 2018-жылы жайында өтө турган футбол боюнча дүйнө биринчилигинин алдындагы фанаттардын жүрүш-турушуна өзгөчө көңүл бурушкан.

Баяндамада Түндүк Кавказ жана Борбор Азия өлкөлөрүнөн барган адамдар неонацисттер менен «казактар» деп аталган топтордун кол салууларына дуушар боло тургандыгы белгиленген. Уюмдун эксперттери Орусия полициясы көбүнчө расалык белгилер боюнча кармоолорду жасайт деп эсептешет.

Москва укук коргоочулардын бул баяндамасы кылдаттык менен текшерилерин убадалашты. "Интерфакс" агенттигинин Женевадагы булагы БУУнун тыянагы Орусияга саясий милдеттенмелерди жүктөбөй турганын билдирген.