Ош шаарынын түштүк-чыгышында таштанды челегинен башы кесилген аялдын денеси табылды. Бул тууралуу Ош шаардык ИИБнын басма сөз кызматынан маалымдашты.

Алынган маалыматка караганда, Ош Мамлекеттик социалдык университетинин маңдайындагы таштандыдан “Ош-Тазалык” ишканасынын кызматкерлери болжол менен саат 10:30да 40-45 жаштагы башы кесилген аялдын денесин таап чыгышкан.

“Андан сырткары, аялдын бутун кесүүгө аракет кылышкан. Учурда аталган факты боюнча ыкчам иликтөө кызматы түзүлүп, аялдын өздүгү такталууда”,- деп айтылат маалыматта.