Үстүбүздөгү жылдын 20-август күнү, кечки саат 21.30тар чамасында Аксы районунун Авлетим айыл аймагына караштуу Ой-Алма жайлоосунан кожогат терип келе жатышкан Кара-Суу айыл аймагындагы Чалдывар айылынын тургундары: 1958-жылы туулган Н.Г., 1967-жылы туулган К.Ж. жана 1958-жылы туулган Ө.Г. аскадан кулап, окуя болгон жерде каза болушкан. Бул тууралуу Жалал-Абад ОИИБнын басма сөз кызматы билдирди.

Алынган маалыматка караганда, үч аял менен чогуу болгон, каза болгондордун биринин небереси, Кара-Суудагы №15-“Б. Миӊбаев” атындагы орто мектептин 6-классынын окуучу кызы денесинен жараат алып, Аксы аймактык ооруканасына түшкөн.