Бүгүн, 21-августта америкалык John S. McCain ракеталык эсминеци Сингапур портуна кире бериштеги Малаккский кысыгында нефт жүктөгөн танкер менен кагылышты. АКШнын Деңиз аскер күчтөрү билдиргендей, он моряктын дайыны чыкпай жатат, дагы бешөө жаракат алды.

Издөө-куткаруу иштерин жергиликтүү кайгуул кемелери, тик учактар жана жээк коргоо күчтөрү жүргүзүүдө.

Индия менен Тынч океанды бириктирген Малаккский кысыгы – дүйнө боюнча кемелер көп жүргөн соода артериясы болуп эсептелет. Аскер кемеси Түштүк-Кытай деңизиндеги нөөмөттөн кийин портко кайтып келаткан. Либерия туусу алдындагы танкер дагы ушул жакты көздөй багыт алган. Эсминцтин арткы бөлүгү жабыркаганына карабай, ал өз алдынча сүзүп баратат.

Сенатор Жон Маккейн твиттерге морякардын амандыгын тилеп жатканын жазды.

USS John S. McCain 1999-жылдан бери кызматта болчу. Анын ысымы сенатор Жон Маккейндин атасы жана чоң атасынын урматына коюлган.

Июнь айында ушул эле 7-флотко таандык башка бир америкалык эсминец Жапониянын түштүк тарабында контейнер ташыган кеме менен кагылышкан. Кырсыктан жети деңиз кызматкери көз жумган.